კატეგორიაიუმორისტული

ო, მაიბახი დამამშვენდებოდა!..

🥀😆😆😆
ო, მაიბახი დამამშვენდებოდა!..
დამმშვენდებოდა და რარიგად დამმშვენდებოდა!
ჩემს ერთ ჩავლაზე საქალეთი გაშეშდებოდა,
და საკაცეთი დამიწყებდა შურიან მზერას …
P.S.
საქართველოში არ ვგულისხმობ
დაწყნარდეს ყველა.
სულ არ მჭირდება შარ-ები და
თავ-ბედის წყევლა .
🤣🤣🤣🥀

აი რაია?..

ფეხი წამოვკარ, დევეცი,
დავხედე აი რაია?!
„გადავაბრუნე შევხედე.
ქვაია აბა რაია?
თაროს შემოვდე,
კვერცხსა დებს,
ქათამია თუ რაია?
​გარეთ გავუშვი,
​ბალახს ძოვს,
ძროხაა?
… ​აბა რაია?“
ეს გამოცანა ხალხური,
შენთვის ვიპოვე,
კაია.
​მაგენით თუ გაერთობი
დაგცინებენ და ვაია.
​ისევ ისა სჯობს გაუშვა,
თავის გზაზედა,
მაია!
-მერ’ფი-

ახლა არ ვიცი მარა…

ახლა არ ვიცი მარა… 2008-ში რუსის თვითმფრინავმა , რომ გადმოუფრინა ლანჩხუთს: – უი აი დაგვიბომბია უკვეო და ბომბი ვერ გეიმეტა, ბომბი უფრო ძვირი ღირდა , ვიდრე ის რაც ლანჩხუთში დასანგრევი დარჩათ იმ დროში… 😁
-მერ’ფი-

ამ პირბადეებს…

ამ პირბადეებს,რომ ცხვირ-პირბადე დავარქვათ, არა? 😅 უმეტესობას ცხვირი არ აქვს დაფარული და იქნებ ასე მაინც მიხვდნენ, და ნიკაპზე რომ აქვთ „ნამორდნიკივით“ ამოდებული, ე მაგის ფუნქციას მთლად ვერ ვიგებ 😄
ისე ნეტა ასე ცალყბა პრევენცია თუ რამის მომტანია, არ მესმის რატომ ვიგდებთ კომიკურ ვითარებები თავს!
-მერ’ფი-

ე ჩემის მოპირკეთებულიო!..

ე ჩემის მოპირკეთებულიო!.. 😅 ვიღაცაზე ბრაზობდა ზურო. მე მგონი ზედმეტი მაკიაში (ფერუმარილი) ქონდა, იმ ვიღაცას, სახეზე წასმული 😆
-მერ’ფი-

იოსები (ქირურგი) გივი ვეტექიმთან მივიდა…

იოსები (ქირურგი) გივი ვეტექიმთან მივიდა, რადგანაც გივი ცუდად გრძნობდა თავს…
– რა გჭირს?
– მე საქონელთან, რომ მივდივარ ვეკითხები რა გჭირსო? – დეიჭყანა გივიმ 🙂
– კაი მეიცა აფერი არ მითხრა – მიუგო იოსებმა და გულდასმით გასინჯა, მერე გივის მეუღლეს დოუძახა და დაარიგა:
-ა, ცა აი წამლები დაალევიე. სამი დღეი უყურე და თუ სასიკეთო პირი არ დეიტყო – დაკალი! არ იზარალო 😅…
(ისე უთხრა , რაფერც გივიმ პირუტყვის მეპატრონეებიზა იცოდა თქმაი) 🤣 🤣 🤣
-მერ’ფი-

ერთ ჩემს მეზობელს შუხუთში…

ერთ ჩემს მეზობელს შუხუთში, სტუმრები იმ დროს ესტუმრენ, ძირსნაყარ მსხალს ჭრიდა საქონელიზა…
სტუმარმა ერთი მსხალი აიღო, შეჭამა და გემოთი მოეწონა.
– კიდევ ავიღებ თუ შეიძლება? -იკითხა მოკრძალებით.
– რამდენიც გინდა მიირთვი ბატონო, ნუ გერიდება, მაინც ღორებიზა უნდა მეჭმიაო – გაუცნობიერებლად მიუგო მასპინძელმა ქალმა. 😅
-მერ’ფი-